白話粵語廣東話的童謠兒歌精選

白話是粵語的俗稱。居住在兩廣地區講粵語的人民將粵語稱為白話。以下是本站小編為大家整理的白話童謠，歡迎閱讀!

白話童謠一

月光光

月光光，照地塘，蝦仔你乖乖瞓落床，聽朝阿媽要趕插秧咯，阿爺睇牛去上山崗， 哦哦哦 哦哦哦

蝦仔你快高長大咯，幫手阿爺去睇牛羊，啊啊啊，啊啊啊

月光光，照地塘，蝦仔你乖乖瞓落床，聽朝阿爸要捕魚蝦咯，阿嫲織網要織到天光， 啊啊啊，啊啊啊。蝦仔你快高長大咯，划艇撒網就更在行。哦哦哦 哦哦哦。

白話童謠二

落雨大

落雨大，水浸街。

亞哥擔柴上街賣，亞妹出街著花鞋，花鞋花襪花腰帶，珍珠蝴蝶兩邊排。

白話童謠三

曖姑乖

曖姑乖，曖姑乖，曖大姑乖嫁后街，后街有鮮魚鮮肉賣，又有鮮花戴， 戴唔晒，擺落床頭比老鼠拉，拉拉拉，拉去大新街， 大新街又有個扯皮鞋，扯下開，又扯下埋。

白話童謠四

氹氹轉

氹氹轉，菊花園，炒米餅，糯米糰。亞媽叫我睇龍船，我唔睇，睇雞仔， 雞仔大，攞去賣，賣得幾多錢?賣得三百六十五個仙。