黃子華棟篤笑臺詞

棟篤笑作為一種劇場型的單人舞臺語言表演藝術，源於北美的“Stand-up Comedy”，由香港演員黃子華於1990年從西方社會引入香港。總體上來說，黃子華棟篤笑的題旨主要包括對現實的反諷、對自我的嘲弄、對荒誕的呈現、對事理的妙解。以下是本站小編為大家準備的黃子華棟篤笑臺詞，希望大家喜歡!

黃子華棟篤笑臺詞(一)

1、愛情

白雪公主，幾咁純潔無瑕。但系諗真啲，白雪公主，識得嗰個系王子，灰姑娘識嗰個又系王子;有個有特殊嚐好，鐘意錫青蛙嘅女人錫咗只青蛙一啖，只青蛙變出嚟嘅又系王子!有冇人諗過根本個王子系同一個人呢?根本呢個王子都不知幾花心，周圍溝女。仲無良到扮青蛙去溝添!

2.情竇未開

我第一次戀愛之前，我認為自己就係楊過，而我同書裡面個楊過唯一唔同嘅地方，就係佢有隻大雕。而我嗰陣，就鐘意捻呢個相思同畫眉多啲。同楊過一樣，我從來冇諗過要考第一。

我只需要愛情，只要搵到我嘅小龍女，我就可以拋棄學業，退隱山林，搬入新界住。但系我一定要住西班牙別墅，我唔住得村屋，我怕蛇蟲鼠蟻。然後每個月至多出一次市區，不過我唔會逗留得耐，問亞媽攞完零用錢我就會入番入去。

冇錯，基本上，我由中一至中五都系喺呢種咁超然嘅思想下度過。嗰陣時學校最流行嘅辯論題目系：“中學生應否談戀愛?”我認為，我哋應該辯論嘅系“中學生應否讀書?”

而喺我第一次戀愛之前，我嘅小龍女只需要一個條件，就係靚，我知我咁樣諗好膚淺，但系嗰陣時我仲細，唔知道原來身材都好重要嘎。

vvvvvvvvv

3.性

聖人話:“食色性也!”食同色，好唔同!一個人無論幾鐘意食，會唔會比幾十蚊入戲院睇套“蒸氣騰騰小龍包”?一個人無論幾鐘意食，又會唔會為咗望一舊冇包住嘅牛肉望到畀車撞?

4.愛情

戀愛唔系PART-TIME，你唔可以話：“愛!做完咪走囉!”戀愛系一盤生意，你要二十四小時諗住佢。自己生意，冇所謂PART-TIME正識。人哋放假或者過年過節，你更加要開OT添。行花市啦行海邊啦睇戲食飯啦……

你有乜嘢競爭對手呢?我冇競爭對手?!你估你係專利巴士公司啊?港巴都執咗啦!有冇考慮結婚?咁就要向公眾交代，咁就即繫上市啦!所以，“中學生應否談戀愛”唔系問題，問題系“人類應否有兩份全職工作?”

你再拍拖，需要知會你老闆：“老細，我出面搵咗份戀愛，我真繫好需要呢份戀愛，不過公司啲嘢我會照做，我兼顧到嘎。”然後你老闆會話：“咁你不如搵多份戀愛，咪直情唔使番呢份工囉!”

5.新鮮

依家啲人溝女，對絛女最大嘅要求系乜啊?唔系靚，最緊要，系夠新鮮!

乜嘢叫做夠新鮮啊?就係話，溝咗一年嗰個，就唔夠溝咗半年嗰個咁正。因為半年嗰個新相識，新鮮啲。同樣，溝咗半年嗰個，就唔夠三個月咁正。溝咗一個月就唔夠半個月嗰個咁正。溝咗一日就唔夠半日嗰個正，如此類推，終於……溝咗嗰件，就唔夠未溝嗰件咁正!

咁即系點呢?仲溝唔溝好呢?一溝就唔正?!

6.女人偉大

黃：系愛情之中，女人最偉大!

男人嘅犧牲，就為咗追求美麗;而女人嘅犧牲，就只系得到一個麻甩佬!而最偉大嘅系佢哋根本唔覺得系犧牲。

如果你話畀一個女人聽，喂，你男朋友有口臭!

張：車，人梗有區域性缺點嘅!

黃：佢仲有臭狐同香港腳喎!

張：咁佢咪好平均咯!

黃：佢啲鼻鼾聲唔使攪咪啊!

張：我男朋友一定系夢見我，我開心。

黃：佢屙尿亂咁啡!

張：好壯啊!

黃：佢啡完唔洗手!

張：邊有男人洗手嘎!

黃：我有!

張：乸型!

黃：佢仲講粗口啊!

張：但系佢心地好!

黃：佢系電梯度食煙喎!

張：公眾場合都唔畀食咯，佢咪呢埋一邊食囉，你哋仲想點啊!你係咪想逼死佢?!系咪想逼死佢?!嗚～～～

7.責任何在

如果你話我聽，因為我唔靚仔，所以唔可以做戲，你唔應該話我聽!因為唔關我事，我唔應該負呢個責任，你應該同我父母講，系佢哋搞成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔準做戲!或者剩系做茄呢啡!

我唔系一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊?

我細個讀書唔好，或者唔合格，我冇要父母負責。我自己籤晒啲成績表嘅。

每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方?冇!我叫佢哋出街鬧!

我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。

反而系我調番轉頭，提醒佢哋：你哋要搵錢啊，積穀防饑啊，唔系第日老來無依無靠啊!

乜嘢都系我!

8.男仔唔駛靚仔

靚仔系唔系真系咁重要啊?有啲人話男人唔駛靚仔嘅，有才華咪得囉。

系，你有冇試過帶你嘅才華去落disco識女仔啊?人哋啲靚仔一行入去，唔使二十分鐘，就已經同啲女仔互相問問題：“你度定我度?”

我帶住我嘅才華入到去，幾艱難先搵到個女仔肯畀個機會我。唔系畀機會我交換問題，而系畀機會我天才表演。

唱歌跳舞做話劇講大話功夫表演，成套歡樂今宵一個人做一次……

9.演戲天份

我從小就知道，我係一個偉大嘅演員。

人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。

但系唔知系咪我個樣比較老實，我係從來都冇機會扮姦夫。每次我都系扮淫婦……嘅老公。

雖然系咁，雖然，我亦都系成班人之中最細嗰個。但系我已經可以將一個妒忌嘅男人心態表現得淋漓盡至。

當然，我啲朋友個個都讚我，話我天生出嚟，就係戴綠帽嘅。

10.死亡

細個嗰陣，我係唔怕死嘅。

我覺得，系以前啲人先會死嘅。系歷史書裡面嘅人至會死。好多人唔明歷史有乜用，歷史咪話你聽邊啲人死咗囉。

我從來未睇過一本歷史書有提到黃子華呢個名，我點會死啊。最緊要系，就算死都唔系乜嘢一回事。

細個嗰陣隔離陳師奶成日叫佢老公：“咁多人去死你仲唔去死?”

然後去完番嚟,阿陳師奶又會話：“死番嚟啦，唔死多陣添?”

所以我一路都認為，去死，即系去街，同埋一定唔會去好遠。因為阿陳生每次都好快就返嚟嘅。

11.賭馬

喂，賭馬系需要付出好多嘎。

朝早要睇晨操夜晚要睇董驃，又要同朋友交換讀書報告。

你估我哋睇得書少?市面幾多馬經啊?

仲唔系話你睇得多就得嘎喎!

香港啲馬經，一埸十隻馬，十隻馬都有人貼，你自己思想唔夠獨立，咁你就死梗啦：

唔該，呢場每隻幫我落100蚊啊!希望中啦!

夏天嚟啦，抖暑啦，你估系畀啲馬休息咩?系畀我哋休息啊!

12.泳池

黃：去公眾泳池嗰啲唔系叫做游水，嗰啲叫做浸水。因為喺公眾泳池遊，只可以用一種泳式，就係彈式，同一個位，彈下彈下。

張：如果系高手可以用式，但系要潛落水底嗰度用。

黃：點解香港啲泳池咁鬼逼嘅呢?

張：唔好問啊，趁人多你好快啲浸下。等陣所有人上晒水嗰陣，你就會發覺，個池啲水原來到膝頭哥嘎咋!你去浸腳指啦，下次。

黃：其實我哋香港人都習慣咗人多，去浸下水都好。但系可惜嘅系，呢啲水，唔系一般水，呢啲系暖水!你成日喺泳池度，你會發覺有啲人，全身唔喐，眼碌碌。

張：哦!你喺泳池屙尿，咁冇公德心!由細到大我老豆都教我嘎啦，急尿，去隔離池啊嘛!

黃：所以我喺度，趁呢個機會，同你啲儬仔講啊!遊游下小童池就走過嚟大人池，擒喺個池邊，唔好話我聽系學游水啊!

張：特別系擒正喺噴水口嗰啲啊!想毀屍滅跡啊!

13.改名

改名，只系啲父母將自己嘅主觀意願套喺啲仔女身上。所以大部份女仔唔系叫美乜就係麗乜。男仔唔系叫阿堅，就係阿強，一唔系就叫阿祥。咁我哋系咪好美麗，好堅好強好長呢?

14.黑白不明

我非常欣賞鄧小平嘅“黑貓白貓，捉到老鼠就是好貓。”我老友阿雄個老婆生仔，生咗個黑人出嚟，我都系咁對佢講：“黑仔，白仔，快高長大就係好仔!”

15.鬧人

以前我哋笑人，會話：“你有得發達?太陽由西邊出嚟啊!”依家我哋就會話：“你有得發達?建築面積等於實用面積啊!”

又或者話人醜，現在我哋都會技巧好多：“你唔醜，你點算醜啊，你係塊面唔多實用咁解嘛。你嘅鼻臺太大，啲眼耳口鼻咪唔見使囉。”

16.失戀

失戀系會令人成長嘅。我失戀之前，一向都覺得世界上所有問題都有答案。

點解我哋每日都要8點鐘起身返工啊?因為夠鍾囉!

點解我哋有夠鍾呢樣嘢啊?因為我哋唔用浮動上班時間囉。

點解呢個世界有戰爭?因為我哋有武器羅。

咁點解我哋要有武器啊?因為佢哋有武器囉。

一切都有答案，直到我失戀。

阿珍，點解你唔愛我?阿珍畀咗一個經典嘅答覆我，佢話：“愛情繫冇點解嘎，系唔可以解釋嘎，唔好問啦。”(記緊呢句啦)

如果番學阿sir問我嘢都可以咁答就好啦!“黃子華，物體燃燒點解需要氧氣啊?”

“阿sir，系冇點解嘎，系唔可以解釋嘎，唔好問我啦!”

17.隆胸

葉子微簡直為演藝界創下新標準。

以後啲女仔想做明星，又唔使睇樣，又唔使睇演技，去磅啦!!!(加強語氣)得，入去磅一磅就得啦。“開黎，六斤半，片酬系六千五蚊一日，小姐做唔做?”“開黎，八斤有疤痕，八千減一千疤痕費，即系7千蚊一日。”

你話幾客觀呢!

20.放假

黃：一般人都會好珍惜每年一度嘅年假!

張：今年我要去夏威夷游下水。

黃：如果你決定去夏威夷，你就要預咗付出沉重代價!前四後六!

張：我講緊繫年假，唔系產假啊，子華!(真系啊……)

黃：前四後六嘅意思系，喺你放假之前嗰四個禮拜，同你放假之後六個禮拜，都要做到仆街!(死未)因為無論你放幾耐假，你嘅嘢始終系你做番。

張：系你嘅始終系你嘅!

黃：唔單止，放完假，唔系你嘅都會變成系你嘅!

黃子華棟篤笑臺詞(二)

1. 說實在的，選哲學純因到了外國後，多了一點時間去思考問題，然後我便發覺，很多問題不單是答不上，實際是怎樣發問也未懂，所以便想去找尋這個答案。

2. 單方面去愛是沒意思，有如打乒乓球，有乒必有乓，讓人拒絕真難受。

3. 如果有種女人像這樣忠心的狗又如何?“那就慘，一個女人太忠心，會好煩”

4. 狗的忠心，往往令人類自慚而感動。

5. 兩個人相處可能好煩，好悶，有時會不開心吵嘴;但系，如果將這些“小磨擦”，預計在自己的“愛情成本”內;換一個角度，可能是享受，也可能是樂趣。

6. 大家只要有飯吃，生活穩定，就甚麼也可以不理!安定生活，才是人民的真正鴉片。

7. 我覺得凡是競爭都是良性的，不會是惡性，只會有好效果。會否爆煲?總之一句講哂：無論任何行業，都是汰弱留強，尤其在這個時勢。

8. 拍電影就好似人想去歐洲旅行，一世人總要去一次。

9. 我覺得做人好像鐘擺那樣，我們由一邊蕩向另一邊，去到最高，自然就會跌落，由頭開始過，然後蕩向另一邊。如果大家像我這樣看的話，你會開始覺得，其實這樣又上又落都很合邏輯?。

10. 我一路以來都好努力的想做到一個情況，就是沒人可以代替到你，那樣我才有我的存在價值。如果不是，人們就會這樣說：‘黃子華怎麼那麼貴要收二千塊?一千八給我找一個頂替他!’那其實你黃子華就只是值二百塊，隨便一個人便宜過你都可以頂替你，那你就是沒有價值。

11. 塔倫天奴，他給到我一個啟示，就是無論你是怎麼大眾怎麼商業化，你都必定要有一個好強烈的個人風格，你才可以在現在生存。因為xx年開始，是一個‘自我大路年代’，仍然是商業化，但一定要有個人風格。

12. 每個人就只剩下一條命，我不是，那我還可以剩下什麼。

13. 傳媒不是一個人，是一種建制、文化，香港太小，傳媒網路是鋪天蓋地的繁密。被他跟蹤當然是不舒服，有藝人會很氣憤，出來罵他，但這樣做等於對空氣罵，沒人會應你。就等於你罵資本主義，資本主義根本就不會回答你。

14. 現在就不會對婚姻去下定論，最重要看一下是不是找到適合的人，令你很想跟她進行繁文縟節、結婚?高興一下。但這麼久以來我都暫時未遇到一個這樣的人。

15. 我覺快樂不是來自擁有大屋、靚車，或者穿得身光頸靚。怎樣才叫快樂?可能拎一大筆去幫助鬱郁不得志的人，甚至面臨破產第人，就是快樂吧，不是扮清高，是真的，不過現階段我做不到。

16. 倒垃圾的人喜歡倒垃圾嗎?他們只為生計，而大部分人做工，都只為‘搵食’。

17. 愛存在主義書籍相對來說，書本更具分析性，這是受長度限制的電影所不能做到的;至於音樂，對我來說純粹是訴諸感情;但在書的世界，情感與分析幾乎可以無限長。

18. 這類書(存在主義)使我由沒有角度到有一個角度去看人生與世界，不再像風中之葉。它們對我有潛移默化的影響，譬如影響了我某程度的玩世不恭──這也是一個選擇;另一方面，卻令自己這飄渺的人生實在一點：至少它們使我感受到、肯定了存在的實在性，使我提醒自己生命冇take two。

19. 喜歡它(存在主義)沒有提供既定的方向，而讓我們自己追尋。現在的香港，許多人不知存在主義是什麼，也會自殺，好似欠人三十萬就理所當然要自殺，其實背後是很深的空虛。現在香港人傾向沒有選擇，其實是他們看人生的觀點角度沒有出路，他們根本沒有自己(看事物)的角度，哈哈，現在物質就是神，資本主義就是宗教。“

20. 沒有時間看書。這樣，人會很乾!很乾!我覺得沒有時間思考及吸收的情況下看書，會浪費了一本好書。今年會好一點，於是一有時間就看書。

21. 、我發覺(讀書)真的不需要快，對於一些書，甚至不妨重複地讀。當然，快或慢視乎你是否希望被一本書影響，如果只是為了娛樂，自然不需要(慢讀)，但如果你想讓一本書影響你，那就得給它時間。

22. 一個藝人大家知道得關於他愈少的就愈好，這是大原則，因為藝人一旦被知得太多就被界定了，舉例說大家都認為我是一隻杯，但後來卻發覺我是一隻碟時，我得要向身邊的人交待。再者觀眾喜歡知道我的事不等於他很渴望睇我個騷。

23. 講到底每個人其實也有一層皮，姑且勿論你將對方看得高也好，低也好，這層皮是絕不能剝去的。而身為演藝界的我是有切膚之痛的感覺。就好似李小龍，好在他在七三年逝世，假如事情發生在今天的話，就會死得十分醜陋，因為會被形容為死於馬上風，他的生殖器官僵硬，等等。

24. 原來住屋大小，佔我人生開心的部分很少。

25. 更冒險，更跌watt十倍的，我也夠膽去試。只要我覺得有趣，衰了又如何。

26. 當被所愛的人拋棄時，你沒必要哭泣難過，因為這隻代表你生命中少了一個不愛你的人;對方生命中少了一個愛他的人。傷心難過的人應是對方。

27. (理想的愛情)就是不斷去讓對方更加自由，鼓勵對方更勇敢地去追尋真正的自己。

28. 人生其中一個大方向，也應該是為了你所愛的人，去做些事去令她開心。

29. 我曾經很怕孤獨，所以我很孤獨;當我不再怕它時，我就不孤獨了。克服孤獨的唯一方法，就是去徹底感受它。

30. 曾在最窮的時候買了一部法拉利，只為了證明自己即使做一件沒有能力做的事情也不會死。

31. 我想每個人都怕老，但又不是看得太重，因為我很小的時候已經想老，多歲已經被人認為當我老了便會驕傲的人，哈哈，因為以前很怕被人認為我是‘o靚仔’。

32. 我不相信大部分人所相信的婚姻，大部分人相信婚姻有神奇力量，可以令感情穩固，我並不相信，但我相信commitment，越來越發覺有些事要有commitment，說了是便無論如何都要是。

33. 愛情是我人生的一部分，當然，我不是非有愛情不可的人，愛情是要有激情又要細水長流，當你瞭解到人生短暫，你就會很激情，因為我今日擁有這個人不代表第二日都繼續擁有，可否天長地久就要看那pair人有沒有這個質素，這是一個高深學問，需要經驗、體會、分析去學習，不是生出來便曉，因為人的本性很容易去破壞一些寶貴的東西。

34. 如果，我在很有錢的時候買法拉利，這算得甚麼?有錢的時候，它只是一件玩具，冇錢的時候，它才是真正的超級跑車!

35. 要批判社會，未必一定句句有火。