超經典的粵語童謠廣為流傳

粵語童謠對廣東人來說意味著歡樂與懷舊，你還記得多少首?以下是本站小編為你整理的超經典的粵語童謠，歡迎大家閱讀。

超經典的粵語童謠一

月光光，照地堂，年卅晚，

摘檳榔，檳榔香，摘子姜，子薑辣，

買(胡辣、菩達、蘿蔔)，(胡辣、菩達、蘿蔔)苦，

買豬肚， 豬肚肥，買牛皮，牛皮薄，

買菱角，菱角尖，買馬鞭，馬鞭長，

起屋樑，屋樑高，買張刀，刀切菜，

買籮蓋，籮蓋圓，買只船，船無底，

浸死兩個番鬼仔，一個蒲頭，一個沉底。

超經典的粵語童謠二

凼凼轉，菊花圓，炒米餅，糯米糰。

亞媽叫我睇龍船，我唔睇，睇雞仔，雞仔大，拎去賣。

賣得幾多錢?賣得三百六十五個仙，

得來買膏又買鹽。

超經典的粵語童謠三

點蟲蟲，蟲蟲飛，

飛到荔枝基，

荔枝熟，摘滿屋，

屋滿紅，陪住個細蚊公。

超經典的粵語童謠四

落雨大，水浸街。

阿哥擔柴上街賣，

阿嫂出街著花鞋。

花鞋花襪花腰帶，

珍珠蝴蝶兩邊排。